ERROR明年一月再開騷

香港男子組合ERROR將於明年一月二十五日，在會展舉行LiveShow，演唱會以《WHAT'S GOING WRONG》命名，估計會有令人意想不到的ERROR式錯料、笑料貫穿全個演出。

由四個向來無定向的男子組成的ERROR，為了給粉絲帶來最精彩的一個晚上，一早已開始準備。193（郭嘉駿）道：“我哋已經進入籌備階段，度晒rundown，十二月、一月係全力彩排階段，都呼之欲出係好好睇，因為根據過往經驗，我哋上次個騷係兩年前，都係爆晒要搶飛，今次搶唔到未必有下次。”

點解未必有下次？Poki（吳保錡）指着Fatboy（梁業）解釋：“因為我哋身體開始不適，同埋我哋有同事有喜啦，有喜之後就要坐月。”Dee（何啟華）也跟着暴走道：“都擔心佢喺現場表演時要表演埋分娩。”Poki說得興起續道：“你見到佢咁大，真係隨時生得，所以今次係一個好大嘅挑戰上台表演。”193也說：“有機會喺演唱會唱唱下穿羊水，所以大家一定要買飛嚟睇。”Poki更笑言：“到時可能會有另一個生命喺度出現，就係台上嘅奇蹟。”就連預告都充滿着錯誤但令人笑翻的資訊，這就是ERROR一貫令人意想不到的驚喜！