《得寵先生》粉絲包場

馮允謙盧慧敏驚喜現身謝票

馮允謙(Jay)首次拍攝的電影《得寵先生》票房報捷，讓Jay的粉絲心情非常興奮，日前自發在戲院包場支持，門票火速售罄，買不到票的粉絲亦買了接着的場次捧場。當Jay得知後，即約女主盧慧敏(Amy)齊齊連走兩場謝票，令全場粉絲們驚喜。

Jay透露與Amy拍攝《得寵先生》最難忘一場“激情”戲，他說：“有一場追‘燒腩’嘅戲，我揸車，嗰段戲好激情，好刺激！”Amy說：“我哋追住‘燒腩’，‘燒腩’追住坐喺小巴嘅‘佳叔’（旦哥飾），你同我講話好大壓力！”

Jay說：“我真係好大壓力，我有車牌但喺香港好少揸車，仲要載住Amy，有咩事唔知點算！”Amy續說：“我諗你當時喺倒後鏡睇真係好驚，因為你一邊開車，我就伸咗半個身出窗外想捉住‘燒腩’，收音師匿喺車廂後座拉住我條褲，怕我跌出車，我身上綁咗墊做足保護。團隊砌咗假車和假嘅狗，用路軌畀我試咗好次，練咗好多次啲動作，所以好安全，而且Jay係安全司機，我好放心！”Jay笑言：“我第一次拍戲就拍咁刺激嘅場面，我諗我都幾大膽！”