麥玲玲：陳曉華朱敏瀚衝八字

玄學家麥玲玲昨日拍攝藥油廣告，因之前疫情期間長留在內地，較少拍香港品牌的廣告，內地廣告則拍了三、四十個，包括波鞋、護膚品等等。

玲玲師傅將推出明年的運程書，她指明年蛇年，蛇屬於地下蠕動：“所以會有啲隱閉嘅事發生，例如地下情或者九唔搭八嘅人成為一對。”談到最近傳出朱敏瀚與陳曉華拍拖，更將於年底外地秘婚，玲玲師傅即場看二人的八字：“明年屬豬犯太歲，姓朱的藝人都要留意，嘩，兩個拖可以拍，但結唔結成婚係問題，因為兩個人命格都驛馬，有遠處姻緣，要兩個不同地方出世才適合結婚。不過朱敏瀚熱天出世，曉華命凍，大家都會互旺，雖然兩個夫妻宮相衝，可能要經過離離合合，藕斷絲連、來來回回。我唔敢話係咪完全唔會結婚，有可能暗地結，即可以去第二度拿結婚證書，佢兩個都有八成夾嘅！”玲玲師傅曾與陳曉華結片緣演其阿媽，私下都有吃飯，她笑指都跟曉華說趁金價跌就去打對龍鳳鈪給她，但對方也笑答暫不用嫁妝。至於另一位明年犯太歲的朱晨麗，玲玲師傅笑說：“我睇到佢有喜事近的年份，又好似今年龍年，所以有龍字嘅藝人龍婷、李龍基都有事發生。”