張馳豪新歌MV泰國取景

張馳豪(Aska)早前遠赴泰國，為全新單曲《宇宙逃生口》拍攝MV，原來這是他人生第一次到泰國，雖然半工半玩，但能試盡當地美食，他亦樂在其中。被問到為何選擇到泰國取景，他笑言：“最初傾嗰陣公司畀兩個選擇我，一個係愉景灣，一個係泰國，咁梗係揀泰國啦！”Aska今次到泰國拍MV，令他最難忘是到外地感覺無拘無束，由朝拍到晚換上不同造型，當中喊戲部分都是真眼淚，將真實的情感投入到拍攝之餘，亦讓自己得到釋放。

Aska今次親自操刀作曲，與朱琳合作填詞，他透露歌曲雖然聽起來輕快放鬆，但原來靈感是來自一段傷痛回憶。他說：“當初係想寫一首對比好大嘅歌，編曲好輕快，但歌詞其實好Sad。歌詞係想講，當大家失去一段關係嘅時候好似成個世界崩塌咗，失去咗個依靠，企唔到起身咁，但之後發覺幾唔捨得都需要放手，自己搵返快樂先可以令對方，甚至令段關係快樂。”他續說：“大家可以想像呢首歌係一個人經歷失戀，用工作麻醉自己，將生活填到密密麻麻，然後發現唔可以再鑽牛角尖落去，一個人出走散心嘅感覺。”