苗僑偉談“三哥”由來

苗僑偉（三哥）前日到新城廣播接受譚玉瑛（阿譚）、何基佑及麥皓兒主持的《QK玉瑛室》訪問。三哥與阿譚相識於上世紀八十年代，亦是訓練班同學，所以份屬好友。三哥大爆阿譚花名，“佢以前因為個樣好細個，所以有個花名叫譚十一，永遠都好似十一歲，又牙尖嘴利，所以喺呢行屹立不倒。”

阿譚問苗僑偉為何會被稱作“三哥”，他稱：“有部電影個角色叫三哥，叫得我最大聲嘅係小黑柯受良，佢離遠見到我就好大聲叫三哥，自始個個都叫我三哥。叫三哥幾好吖，又穩陣，又唔使做大哥，大哥有事就二哥頂上，三哥最安全，所以我非常樂意人哋叫我三哥。”

現年六十六歲的三哥永不言休，直言會做到觀眾不喜歡看自己為止。“我又唔會話幾時唔做，有人搵就做，唔使去強求。呢行做咗幾十年，好講運氣、際遇，再講努力，呢行好多人都好努力，但冇運氣同機會。我自己從來唔會埋怨，接咗工作時，當然最好有時間休息，我會交到好功課，好辛苦時都唔會埋怨，盡量去配合。”