留澳飯聚暢飲共醉

粵港澳大灣區，加上橫琴粵澳深度合作區已經封關運行，澳門居民生活環境逐漸融入整個大片區，活動空間更為廣闊，日常消費選擇更多。居民北上消費便捷，加上網購大行其道，經濟市場結構改變，令本澳民生區店舖產生負面影響。有社團於下周推出“周末北區消費大奬賞”，為支持本地消費助力。

日前老友吹雞飯聚，特意安排在本澳，實行濠飲濠食。當晚備中國茅台及法國名釀，佳餚菜式更是盡顯心思。先上餐前水果，接着佐酒四小品：陳醋海蜇頭、鹽燒九肚魚、脆皮菌香素鵝、燒翠玉黑豚腩卷。

主菜是：撈到風生水起，捨用傳統魚生，改用象拔蚌條，令大家口感一新；火瞳響螺雞煲翅選用勾翅，湯底香濃翅身腍滑，每位足三両；鮑汁扣鮑魚，鮑汁芡頭適中，隻隻切開都溏心冧牙香；十斤重深水大海魚兩味：碧綠油泡球、陳皮油鹽蒸頭腩，老魚食法果然不同；八寶霸皇鴨，雖然個個話飽，但手口卻未停；再來如意上素齋、杞皇百合青莧菜，是全晚菜餚的潤滑劑；清淡口味主食、雞湯鮮菌烏冬麵，每位份量恰到好處；杏汁蛋白湯圓，生磨食法見真章。

飯局留澳消費，地點在氹仔大中華廣場的金悅軒海鮮薈，其集團在國內外都有相當口碑，所以多年來屹立不倒。當晚飯局更見老細雄哥似“巡場林”，出品及招呼梗係冇得輸。

普洱茶