雲浩影拍MV嗌交喊攰

歌手雲浩影(Cloud)第三首派台新歌《密切接觸者》，MV推出後點擊火速衝破廿一萬，在MV中與男主角有激動火爆吵架情節，Cloud說：“每對情侶都有不同相處方式，有啲會成日嗌交、睇對方唔順眼、分手氹返又復合。正所謂相愛相殺，最緊要‘就算嗌交都淨係同你嗌’，既轟烈又浪漫。”MV充滿未來感，Cloud與MV中的男朋友Matthew戴智能頸箍，Cloud一怒之下將男朋友的頸箍變成紅色燈“服從模式”，從此他不再駁嘴，靜靜地陪她看書、淋花、食飯。

拍攝時沒有現場收音，兩人放盡認真吵架，而且愈吵愈激烈，甚至掟東西，投入程度令在場工作人員嘩然。事後他們說非常疲倦。

Cloud說：“事前我哋都有傾過嘈乜嘢，有共識要成熟話題，可以發揮愈嘈愈勁，踢嘢和掟嘢都係劇情需要。現實中，我唔贊成真嗌交時掟嘢，因為之後要執返好樣衰。好似佢頭先掟嗰兜嘢，有果皮又有啲一粒粒嘅嘢，飛到周圍都係，要麻煩工作人員幫手執。”