陳柏宇撐小肥開騷攰死

陳柏宇（Jason）最近推出新歌《命盡頭》，宣揚以正向思維面對各種困難。為了突出這個信念，Jason一連兩星期特意於紅磡寶石戲院及彩虹邨一間上海理髮店舉行Mini Live。Jason解釋：“呢兩個地方都歷史悠久，經歷咗年月嘅洗禮，仍然屹立不倒，店主們艱苦經營，逆境中自強嘅堅強信念，好切合新歌想宣揚嘅訊息。”這兩次Live，Jason未有事前公開舉行地點，但不少樂迷都聞風而至，特別是寶石戲院的一場Live，樂迷企出馬路，險象環生。

至於上海理髮店的一場Live，Jason明顯有倦意，因他先為小肥擔任了兩晚演唱會嘉賓，及後又要通宵拍攝節目，結果開Live當日攰到想放棄，他更擘大口說：“我上顎好攰，可能係因為由小肥演唱會嗰日開始，彩排時佢唔唱，我又不停唱開下聲，所以唱咗好多，演唱會第二日又去拍攝咗一整日，到夜晚真係好攰。到今晚起身爭啲想問有冇人幫我頂。”話雖如此，但Jason仍保持水準，唱足成粒鐘。