泳兒新歌挨批冇自信

日前泳兒(Vincy)作客TVB娛樂新聞台節目《StarTalk》，大談相隔三年再度舉行演唱會感受。Vincy説：“今次係我自己提出想舉行演唱會，之前我對開騷冇乜信心，但自從推出咗一系列暗黑歌曲後，好似建立咗一啲方向，而且年頭出嗰隻碟反應好好，所以開始有信心開騷。不過應承之後，一方面好興奮，好有自信，但一方面又好擔心，驚唔夠時間練，亦唔知觀眾鍾唔鍾意，搞到好大壓力。（幾時最冇自信？）聽到一啲評語嘅時候，當轉型唱暗黑歌曲，被指鬼五馬六，自己會質疑自己。”

新歌《十八部半》談及性格分裂，Vincy直言有分裂的性格：“我有時會自己同自己講嘢，例如唔開心嘅時候會安慰自己，但係冇想過安慰自己嘅時候，連嗰句說話都講埋出嚟。（男朋友喺隔籬聽到有咩反應？）佢好似唔知我有呢一面，同埋通常有其他人喺度嘅時候我唔會咁樣。（會唔會因為太大壓力？）可能係遺傳都未定，因為我曾經見過媽咪都係咁樣。”