陳靜美國進修兼試鏡

陳靜(DaDa)日前身穿低胸長裙，性感現身中秋節嘉年華，透露中秋後便起程到美國修讀語言、戲劇和畫畫，有機會更想進軍荷里活。久未出埠的DaDa，說心情好緊張，怕會帶漏物件，她又透露此行與好友蔚雨芯(Rainky)同行，她們會到紐約、洛杉磯和邁亞密遊學三個月，修讀短期演藝課程，坦言今次想學好英文。

此外，此行她亦會有一些試鏡活動：“早幾年已經有朋友叫我去當地試鏡，（想進軍荷里活？）希望有機會啦。”

之前DaDa說計劃趁此行去雪卵，不過現時計劃有變︰“上次講完都好多贊助搵我，喺外國雪卵都貴， 同埋我怕去到美國言語不通，自己又唔識打排卵針，又驚可能會敏感，因為雪卵好似唔止雪一次，所以返嚟先再考慮。”希望遊學期間結識到合適的對象嗎？她卻希望Rainky遇到真愛：“自己就隨緣，我唔抗拒異地戀，如果遇到合適嘅，唔會考慮國籍同分開幾遠，如果有緣份，無論分開幾耐、幾遠都會喺一齊。”