趙祥誠拍MV玩動漫角色

折骨舞王Ben（趙祥誠）日前為第二首派台新歌《我在每個宇宙都》拍MV。為配合天馬行空的歌詞，導演邀請很多手遊和動漫角色跟他演出，他還一口氣換了十二套衫，配合這群CG嘉賓。

不過狂換衫未算大挑戰，他拍外景遇上突然下大雨，臨時撐着雨傘在街上又跑又跳，鏡頭內外都緊張刺激。

Ben興奮說歌詞中加入好多手遊和動漫的角色，有趣體驗由錄音開始：“過往作曲填詞完成入錄音室跟住唱，但今次全個團隊齊集錄音室，一邊錄一邊加入創作，好好玩！例如歌詞中提及村民，我之前玩一隻Game叫Minecraft ，裏面有村民角色，佢哋只會發出呀呀呀聲，於是監製就叫我扮呢啲聲配合呢段歌詞。填詞人雷暐樂亦在場，即興修改歌詞，令到份詞更有趣更好玩，原來錄音可以咁樣錄，對我嚟講係好新嘅體驗。我自問無呢個才能，可即興惗到啱音又啱Feel又押韻嘅詞，佢真係好犀利。”