陳曉東喜與伍仲衡合作

日前陳曉東作客TVB娛樂新聞台節目《StarTalk》，接受許文軒專訪，大談回港推出新歌《這種年紀》感受：“今次係同伍仲衡合作，佢之前寫過一首《愛你（躲你）》畀我，其實之前冇乜點聯絡，但係後尾愈來愈熟，呢首歌佢話係為我度身訂造，惗住我嚟寫。（歌詞裏面提及夕陽、潮退？）其實我唔介意，不過我覺得好似太多，但其實去到某個階段，一定會對某啲事情睇得更通透，有啲新嘅領悟，所以後來為咗證明我唔介意，所以去錄！”

今次回港陳曉東亦會舉行個人演唱會。他說：“今次係一個戶外嘅演唱會，到時應該會好熱，一上台就濕晒！（除衫助慶？）好似唔係太好，乜咁暴露咩？內容方面希望可以度下同觀眾多啲互動，開Party，可能我會派水槍，等佢哋射我！”談到近年喜歡電子音樂，他說：“唔好見我成日唱情歌，其實我私下鍾意聽電子音樂，鍾意聽嗰啲聲，因為通常最新潮嘅歌同聲，就係喺電子音樂出現，我有去學過打碟，不過要時間去練習同學混音技巧，有啲即場創作嘅感覺。”