董嘉儀冇放棄幕前工作

“大埔Lulu”董嘉儀日前接受香港開電視主播馬梓軒專訪，更即席炮製賀年特色窩夫。被問到會否趁農曆新年親自下廚？Lulu笑言：“平時我會親自下廚，但去到新年大節日，因為屋企人多，媽咪、阿姨個個都會煮拿手菜，所以過年我只需要負責食，品嘗好多美食就夠啦！”

Lulu表示即使過年吃得多也不擔心，因為會經常做運動。現時是瑜伽導師的Lulu，回顧去年事業發展，坦言不是一帆風順：“其實去年自己都有迷惘的時候，係瑜伽令我搵返一條新路去行，亦係令我堅決向呢個方向發展多啲？去年尾，我就用幾個月時間儲咗一班學生。學生對我的教學亦好滿意，覺得我幫到佢哋，令我覺得係一個好大的成就！”

展望新的一年，Lulu透露會繼續演藝路，希望有更多作品推出：“上年我都有拍劇，又上演藝課進修。好多人問我依家係咪唔做幕前！但其實我係冇放棄！我會繼續在幕前同大家見面，可能為電視或者網上製作唔同的影片，亦好想嘗試做節目主持。”