許嘉浩為梁允瑜慶生兼團年

形象指導許嘉浩(Karl)日前相約落選港姐梁允瑜(Chloe)食團年飯，順道為Chloe慶祝廿四歲生日。

Karl與Chloe在食方面同樣不愛單調，鍾情中式、西式、日式，更愛飲湯護膚。團年飯席上，Chloe食A5和牛粒，與她的皮膚一樣滑溜，紅燒牛臉肉食得津津有味。Karl就首選鮑汁燴原隻花膠，果然兩個都貪靚又識食。

講到虎年大計，Chloe表示最開心係經過周詳計劃後決定簽約TVB，展開自己的演藝路：“參選港姐係好奇點樣可以訓練出一個脫胎換骨的更好的我。參選決賽後的確係遇上唔少起落，最後好多謝身邊朋友同前輩給我意見。我想進一步探索下一步演藝路，做節目主持同拍劇都是我想挑戰的嘗試。”

Karl表示雖然Chloe外表睇落有少少冷，但其實熟絡後可以講好多嘢、傾到未停過。Karl更貼心的準備了羊肚菌螺頭燉老雞湯為她補身。正當Chloe飲湯時，Karl送上驚喜蛋糕，上面寫上“No.1梁允瑜，Happy Birthday”，寓意參選港姐時編號一號的Chloe，今年有更多演藝工作嘗試，無論拍劇還是做節目都做到No.1。