何展睿寫揮春為社區送暖

歌手何展睿(Steve)有感近期疫情升溫，適逢新年時節，他就選擇落區派發防疫包及揮春為社區送暖。

Steve已多次到深水埗舉行活動：“因為呢區比較多老人家，而且反應好好。記得之前有位婆婆拎完防疫包後，好感動咁同我講佢依家戴住的口罩已用咗幾日。今次除咗派防疫包，我仲親自寫咗兩百張揮春送畀街坊，因為知道今年應該會少啲拜年，所以就親自寫揮春送畀大家。我用咗兩星期苦練，加上媽咪及太太畀咗好多意見，所以用幾日就寫好晒啦！”一班粉絲更送上神秘禮物，Steve表示：“粉絲送咗一張好大的祝福卡，裡面寫上好多鼓勵說話，支持我繼續舉行送暖活動。其實我一向都係做好自己，再關心家人，有額外時間關心社區，在活動中我都得到無價的滿足感！”

最後，Steve表示新年期間始閉關籌備工作大計：“要好好籌備自己第一本音樂教學書，將接近二十年的教學經驗分享給大家。又要落力做新專輯，因為對上一次出碟已經係一年前的事。新年期間就會減少拜年，可能改為視像拜年同派電子利市，因應疫情關係，要用靈活方法感受新年氣氛呀！”