張文傑扮女僕拍廣告

動作演員張文傑(German)日前拍攝了新一輯快餐廣告，夥拍梁祖堯一起穿上女僕裝及以拳手造型，

在咖啡店及拳館接收外賣；又與李司棋化身送餐專員，十分搞鬼。

German自爆已不是首次穿女裝：“十幾年前因工作關係，已經常着女裝，因為以前我又高又瘦，這種身形幕後做女演員替身係適合不過。以前做女演員替身時，已經好多人讚我靚女喇！”

而首次穿上女僕裝的German，笑稱唔知點解一穿上就好自然投入角色：“化妝師幫我在臉上畫一個心形，我覺得自己靚咗、可愛咗、講說話都溫柔咗。我覺得可以挑戰拍攝電影《翠絲2.0》。”

今次與祖堯合作，German興奮表示：“係超級過癮！我哋兩個拍攝期間，不停諗到好多橋，大家都笑到停唔到，好期待下一次同祖堯再合作。”司棋姐則令German有媽媽的感覺：“司棋姐係一位好有愛心的前輩，佢不停讚我好靚仔、讚我好靚女。但當見到我有紋身時，母愛突然湧現，嚴肅地問我咩嚟？唔痛咩？做咩紋身呀？”他唯有尷尬地回答：“因為靚。”