學友為港姐表演變迷你騷

“歌神”張學友前晚為無線港姐選舉擔任表演嘉賓，成為焦點。談及相隔廿年再任港姐騷嘉賓，學友笑稱“有妻女就唔方便睇女仔”。

相隔廿年後，張學友前晚再踏上港姐決賽舞台，在“昇華”環節現身。在獨唱三首經典金曲《春風秋雨》、《李香蘭》、《愛是永恆》後，學友再跟Gin Lee合唱《日出時讓街燈安睡》，由十二位候選港姐伴舞。學友足足演唱了十四分鐘，更有煙花效果相伴，更凸顯歌神地位。期間更像個迷你騷。

前晚正式演出開始前，學友首先接受無線《東張西望》節目訪問。身為老友兼高層的曾志偉多次忍不住入鏡，期間兩人談笑風生。學友否認是被志偉人情牌打動演出，笑說：“佢話難得做樣正經嘢，你咁都唔幫我？”志偉就搞笑地說已送咗月餅卡畀學友。

當學友說到唱歌有一些緊張時，志偉竟說：“唔緊張，你都有幫有線唱歌（東京奧運主題曲）。”學友聞言後愕然地說：“依家好開放，成個氣氛唔同晒，可以講其他台。我都有問你唱呢首歌得唔得，你話唔得嘅。”志偉就說：“你收咗人哋錢，我哋係Free TV。最緊要這個行業好，無分界限，大家開心。”學友續說：“現時只會做自己喜歡的事，不喜歡的話都冇面畀。”