海王老記 花膠濃湯好滋味

澳門作為“創意城市美食之都”，四處都有好嘢食。位於威尼斯人內的海王老記，近期新推出花膠濃湯雲吞雞鍋，以老雞、上等鮮肉等熬製七小時而成魚翅濃湯。入口濃稠又黏嘴，花膠頗為厚身，煲起不腥不孱和不融化，食落稔滑又爽口，啖啖都係骨膠原。走地雞雞肉嫩滑，搭配足料雲吞，每粒包裹兩隻鮮蝦及肉餡，食落十分滿足。最後浸透濃湯的娃娃菜當然不能錯過。更設有外賣服務，可提前預訂。

好味之選，還有五香牛雜煲。牛雜處理得十分乾淨，一煲內包含牛肺、牛蒡牛筋、牛腸、牛肚及黃喉等八個部分，少一分不熟、多一秒過火。搭配秘製醬料烹調而成，入口滿是牛雜甘香卻略帶微辣。蘸點自家製辣醬，讓人一塊接一塊，停不了下箸。

粥麵亦十分耍家，明檔燒味選擇多，燒鵝瀨粉、水餃或雲吞麵亦相當有水準。再點上一鍋生劏水蟹粥，粥底不稠不稀，鮮甜的蟹黃、肥美的蟹肉，一口下去整個口腔充滿蟹香，十分滋味。

二 丁