張晉夫婦宅家度情人節

今日大年初三，適逢情人節，圈中的模範夫妻張晉與蔡少芬決定放棄浪漫的二人世界，跟三位“小情人”楚兒、信兒、樂兒共度，過一個熱鬧的情人節。

踏入牛年，身處上海的蔡少芬與張晉祝大家新年快樂、身體健康、心想事成！少芬透露過往農曆新年，一家人會四出拜年：“今年我們一家原本到張晉老家重慶拜年，但因疫情關係，決定留在上海，不會周圍去。”雖然如此，但家裡的新年喜洋洋氣氛及習俗卻未有改變，少芬表示：“新年習俗會食湯圓同食團年飯，過往會畀囡囡寫揮春，然後貼滿屋企，不過今年有朋友送上揮春。我由細到大都有買新衫過年的習慣，每年都不例外，依家我哋着嘅紅色衫，三個小朋友都有，仲係同一款式，只係尺寸唔同。”

農曆新年期間可會炮製拿手新年菜式？少芬笑謂：“最拿手做團年飯菜式！”張晉聞言表示：“係你做嘅咩？”少芬回應說：“我有份點菜嘛，年年我哋都係叫外買，唔會做，會買年糕同盆菜。好方便，唔使自己做，識加熱食物已經好叻。”

今年大年初三亦是情人節，這對圈中出名的恩愛夫妻如何慶祝？張晉說：“唔講都唔記得年初三係情人節！”少芬認為新年一家人團聚比情人節更重要，所以情人節會跟家中“小情人”共度：“情人節唔一定要二人世界，而且新年大過情人節，想同小朋友共度。”講到一歲大的囝囝樂兒，兩人即甜絲絲地表示：“佢好鍾意玩，玩啲高難度動作，拋來拋去；一聽到我哋唱歌就會跳舞，最鍾意轉圈，佢覺得轉圈就係跳緊舞，好搞笑。”