黎紀君情人節禮物遭冷落

嚴崇天和黎紀君日前為香港開電視拍攝全新飲食節目時，談到今日“赤口”遇上情人節，兩人異口同聲說“冇有怕”，還各自花心思為另一半送上驚喜。

今年情人節，香港在限聚令下取消晚市堂食，情侶出街撐檯腳只可選午市或下午茶市，相當考驗男方的搶檔期能力。正在拍攝新節目的嚴崇天和黎紀君趁機賣花讚花香：“大家可以留意吓我們主持的《夠鐘食晏》，有唔少貼士可以提供畀大家。”

嚴崇天自爆好有心思，早於兩星期前已預訂永生花送給女朋友。黎紀君透露：“今年我會DIY手錶送男友，整手錶有點難度，希望唔會雞手鴨腳啦！”嚴崇天在旁提醒說：“等哥哥我畀你一個貼士，就係唔好一次過騷晒自己的絕招出來呀！”黎紀君續謂男朋友今年犯太歲，她就買了一枝銀色筆，拜託生肖屬猴的朋友寫下男朋友的名字以作化解；當她將銀筆送贈男朋友時，不料對方竟說：“我用電腦打字喎！”令黎紀君為之氣結。