陳嘉桓整蘋果撻賀情人節

今日是大年初三，適逢情人節，陳嘉桓(Rose) 祝願有情人終成眷屬，未有情人的在牛年可以成功脫單。單身的她被問及今年情人節有冇着落？她笑言希望牛年可以大行桃花運︰“除了感情，工作上都需要桃花運，希望牛年會更好啦！”

去年未能脫單的Rose，表示目前寄情工作，新年前後都忙個不停，過年還與契媽Janey及中學同學擺年宵市集。為了情人節，她又去學廚藝增值，找來法國藍帶甜品師Peggy教她整代表Rose的玫瑰花蘋果撻。只見她在甜品師指導下，做得有板有眼。Rose自言平時甚少下廚，甜品更加少整。她說︰“多數都係負責食，初頭都驚自己整唔到，好開心甜品師Peggy都有讚我做得唔錯，仲話下次可以挑戰製作她的招牌韓式豆蓉花藝蛋糕。”

問到這個玫瑰花蘋果撻是否想於情人節送給心儀對象？Rose笑說：“身邊朋友成日都追問，又話要介紹男仔畀我，仲急過我，不過我都係要睇定啲，當然都想遇到真命天子啦。”是否已為脫單做好準備？她說：“新一年最主要想增值自己，整甜品係其中一樣。而且之前修身成功，都想以後食得健康一點，今次拜師學藝，教識我原來食甜品都可以好健康。”