苑瓊丹扮聖誕老人拍網片

苑瓊丹日前聯同星級廚藝達人“星星哥”為其熟食包品牌拍攝網片廣告，苑仔一時化身聖誕老人、一時師奶Look上陣，造型搞笑鬼馬。

苑仔透露受疫情影響，展銷會相繼被取消，所以拍片做宣傳之餘，亦計劃成立直播平台，招攬各大品牌做網上展覽。她說：“你見我做聖誕老人，就知我係派禮物畀大家，依家冇得行工展會買平嘢咩？我咪幫你搞個網上展銷囉。平靚正之餘，大家又買得過癮！交換禮物又得、辦年貨又得！”

兩人初次合作亦甚有默契，不時一Take過收工。苑仔話拍廣告片冇難度：“其實拍片冇難度，最辛苦就係客戶分時段拍攝。但係佢哋又好客氣咁買晒手信探班，由筲箕灣雞批食到深水埗魚蛋，又話幾十年紅酒，搞到過年咁，由朝食到晚，減肥冇咩希望喇。”