林德信趁聖誕派對散貨

林德信(Alex)、曾詠熙(Teresa)和音樂人男友馬敬恆(T-MA)早前現身網台做宣傳，三人除了分享聖誕願望，又大玩遊戲。在寒冷天氣下，輸家要“速食”Alex代言的雪糕產品，期間為現場製造不少歡樂氣氛。

聖誕將至，Alex表示小時候最期待便是聖誕節：“會刻意早起來拆禮物，四歲時在美國居住，早晨起身後就跑落樓去聖誕樹下拆禮物，好似電影橋段。返到香港就冇啦，因為依家間屋咁細，聖誕樹都擺唔落啦。”不過，他仍期待聖誕派對，因為可以趁交換禮物環節“散貨”：“平時好多贊助的禮物，但可能我未必鍾意，咪拎出來同人交換囉！我唔鍾意，可能其他人好想要呢！”

同場的T-Ma與女友Teresa不時放閃。Teresa揚言想帶男友返新加坡過節：“早排聽到兩地有旅遊氣泡，想帶他回去見家人。剛好弟弟要結婚，我一定要回去，要做婚禮主持，但鑑於現在疫情就沒辦法了。如果在香港過節就準備得浪漫一點，幫對方按摩、煮聖誕大餐吧，但預料會十分累。”

T-Ma就大讚女友廚藝了得，自己就畫素描回禮，成功感動女友。早前兩人人合作推出新歌，T-Ma自爆瞬間打破最多錄音次數紀錄：“我成日聽人哋歌聲，但係聽自己把聲就好唔習慣。呢次我錄製咗三百個Take，係一個冇人可以打破的紀錄。明年我想寫多啲歌，幕前幕後雙線發展。”