馮允謙想有新耳機做禮物

歌手馮允謙(Jay)年初推出的唱片備受好評，唱片公司為此對在聖誕假期前推出的新唱片《AWAKEN》極為重視，並特別舉行新碟發佈會。不過樂極生悲的是，Jay不慎踩爛了一雙昂貴的鑑聽耳機，幸好他樂觀地說：“希望有天使買新耳機，作為我的聖誕禮物。”

因為疫情緣故，新唱片發佈會改為網上舉行，Jay表示一樣感恩：“上次的發佈派對，好多歌手朋友及我屋企人都有來，因為有好多熟朋友一齊，所以很放鬆、活潑。今日就有好多寰亞音樂大家庭的同事支持我，一樣咁開心。”不過可能因為太集中精神，在彩排時，Jay唔為意跌咗對耳機落地下，當日佢又着咗對好重的皮鞋，結果就踩爛咗耳機。Jay無奈笑說：“我每年都冇話想要咩聖誕禮物，不過今年若果有人送返一對耳機給我，咁佢就真係我的天使啦。”

快將過去的一年對很多人來說都很不容易，對於Jay來說更是悲喜交集，因為自小照顧他的嫲嫲月初過世，每次說到這位摯愛的親人，他都會不禁哽咽起來。Jay說：“今年因為疫情，唔可以返加拿大一齊過聖誕，細個照顧我的嫲嫲亦剛剛過身。佢好錫我，教識我做人的對錯。好感恩細個有個咁好的親人照顧我，雖然我知道唔可以在佢面前唱首歌畀佢聽，但我唱的時候知道佢係聽到的。”