茶事趣談

有飲食團體日前邀請有茶王之稱的曾志揮先生，為業界舉行專題講座，以提高從業員相關知識。

回想五、六十年代，往茶樓嘆一盅兩件已是高級享受。茶樓每層收費不同，“樓上雅座”茶位當然貴啲。有部分茶樓以山水茗茶招徠，山水由二龍喉公園或由水艇自灣仔運澳經水車供應。

有相熟顧客喜固定搭檯坐；餐檯放有牛眼杯在圓洗杯盅。茶客多喜飲黑茶的普洱、六安，半發酵茶的水仙（其後市民喜鐵觀音），花茶的香片，及綠茶的龍井。

人客點茶後，穿着白色唐裝衫，右邊耳仔夾住支筆，左邊耳仔夾住支香煙（多是人客贈送）的樓面，持大銅水煲在你面前，高高沖水在焗盅上；然後你要不怕燙手將茶杯洗過，再沖第二泡才飲用。

到七十年代，酒樓多轉用茶壺及有耳茶杯連杯碟。個別茶客喜溝茶飲用，如菊花加普洱、普洱加香片、普洱加壽眉等。

八、九十年代本澳經濟起飛，坊間有謂魚翅撈飯，出現古色古香的“茶皇廳”，提供茶具及高檔茶葉，為飲家品茶嘗食。

茶壺泡茶方便沿用至今；但如果開咗幾種茶，可能斟到亂曬，所以在茶壺蓋，宜加有標貼紙。現今飲茶因人手不足，一壺茶多跟一壺滾水，由茶客自行添水。水滾茶靚，似有背道而馳，但現在食店成本高企，又應

如何平衡⁈

普洱茶