低溫煮三文魚烏冬

一場突如其來的新型肺炎疫情，令這個鼠年正月人人被迫在家閉關、修練“宅功”。相信不少人每天宅在家中，不是煲劇便是煲飯打發日子了，因為街上舖頭都唔開，想食就要自己煮了。一日三餐總不能都是公仔麵吧？不少人重拾荒廢了的煮功，亦有人因此練成了“地獄廚神”，這些收穫大概誰都沒有想到吧。

在宣佈“封關”之際，人人都去超市掃貨，我都唔執輸，掃咗幾排（一排四件）的三文魚扒放雪櫃。挪威三文魚扒獨立封裝，一次剪一件出來煮食，實在太方便，是我的看家貨。

三文魚扒解凍後，撒少少黑椒碎、鹽、生粉，用不黐平底鑊慢火稍煎就已經OK。若再原鑊爆炒彩椒洋蔥條伴碟，放上朋友圈就可以呃吓Link。不過，今次宅在家中的時間實在太多，結果讓我“發明”咗用熱水壺慢煮的懶人新食法，效果是意外的好！

穎 兒

做法

1.小米電熱水壺裝半壺水，煲熱至攝氏六十度。放入已解凍的三文魚扒。

2. 再打開手機App，控制水溫一直保持在這個溫度，慢煮二十分鐘即可。

3. 用這段時間可烚菜、將烏冬汆水後，再煲半碗滾水、放入湯料煮成湯底。

4. 湯底倒入大碗中，依次放配菜、烏冬、三文魚扒即成！