金美食 即點即灼豬膶雜

下環街的居住及流動人口密集，向來就是街坊美食的兵家必爭之地。無三兩道板斧，都難以在此立足。開業近十個月的“金美食”，明顯憑實力在此處站穩腳跟。

金美食位於河邊新街六A地舖，兩邊門面一邊對住河邊新街、一邊對住七號碼頭，舖面細細，但好乾淨企理。不少學生妹後生仔幫襯，老闆更指唔少荷官都係熟客。

餐牌上出品不算多，大致分為飯、麵及小食，取價公道，三十幾文就有一個飯、一碗麵，或者原盅蒸飯，同一個飯盒價錢相差不大。雖然走平價路線，但出品一啲唔馬虎，因為大廚本身就係五星酒店廚師。一個全餐河粉和肉碎粿條賣卅三文，肉碎、豬膶、豬雜都係即點即灼，湯鮮肉嫩，一啖熱湯粉落肚，成個人醒返晒。肉碎銀針粉用即炒肉碎、秘製豉油撈銀針粉，還原古早粵味。

碟頭飯有梅菜扣肉飯、窩蛋牛肉飯、欖豉排骨飯、梅菜肉餅飯，貴精不貴多，加送例湯，或者叫杯自製薏米水，實在好過自己煮。

穎 兒