施嬅與心姐大演催淚戲

李施嬅和謝雪心日前接受TVB娛樂新聞台專訪，大談合作新劇《法證先鋒Ⅳ》感受。施嬅表示講劇集對白有難度，亦是她演藝生涯中最難的一部。

李施嬅表示新劇的感情線重點落在她和心姐身上：“今次拍劇特別開心，因為劇集唔係集中講愛情，除了案件之外仲有親情，我同心姐飾演的馬姐關係好難得，有場戲份好難演，仲好催淚。”心姐說：“今次為了演活馬姐這角色，我特登自創口音。我爸爸係中山人，媽媽就係順德人，所以溝埋一齊講，因為唔講慣，所以都幾辛苦。造型方面，公司造了一個假肚腩畀我放入衫裡面，夏天出外景拍攝時就出晒汗啦。”

談到感情狀態時，施嬅說：“真係冇人催婚呀！呢兩年我在事業上有好多新嘗試，呢一刻真係唔夠時間用，感情係要有時間去培養至得。而且我都唔急，太想要的通常都唔會發生，感情要來就會來。”