溫碧霞在法專心拍戲

溫碧霞(Irene)目前正在巴黎開工拍攝第一部進軍國際的法國電影《Happy Night》（暫名）。

Irene表示到達巴黎後只休息了一晚，第二日便馬上開工，星期日可以休息一天，但她沒有出街，留在酒店休息及睇劇本做定功課。Irene心情靚靚地說：“拍攝工作好順利，導演及劇組所有人都非常親切，大部分幕後係法國人，演員就係中國人，大家都好合拍，合作得好開心。每日準時上午九時或十時開工，晚上七時準時收工，星期日一定可以休息，超級好。”

被問有冇趁放假出去購物？Irene爽快地回答：“冇呀，想留在酒店休息一下、做吓運動。因為該電影在郊區取景，坐車到市區好遠，要兩個小時車程，我寧願留時間唞足精神及睇吓劇本做功課。”她的表現被大讚夠專業。