程浚彥首度回應欠款官司

宣萱、程浚彥(Tyson Yoshi)、譚旻萱、韓國男星池昌珉及金載原，前日到金鐘出席品牌活動，吸引數百粉絲到場支持。

宣萱被問會否擔任古天樂八月紅館演唱會表演嘉賓，她表示未有通知，又謂若要上台表演，最好提早通知她，讓她有時間練歌及練氣，因去年整傷腰部，仍未完全康復，以致少了做運動。問到可有朋友找他幫手買古仔演唱會飛，她揚言不會再代買飛：“以前試過幫人買演唱會飛，但之後個朋友又話唔要，所以唔會再幫人買飛。”

程浚彥早前被入稟追討六十四萬演唱會光碟費，前日他首度開腔回應事件。有備而來的Tyson，單刀直入主題：“因為對方已經進入司法程序，我可以講嘅其實唔係好多，但係其實我哋演唱會咁多方，咁多個Party，都冇OK過嗰個價錢，係由頭到尾都冇OK過！”他又說：“六十四萬一千隻碟，一隻成本要六百幾，仲未計拍攝、剪接、Mixing，而Mixing二十幾首歌，平極都萬零蚊一首，嗰度都20萬，仲有入面Photobook呀，計埋咪要過千成本一隻？我覺得唔係好合理，我可以講嘅就係咁，到最尾就交返畀個官。”雖然心情受官司影響，但Tyson透露買了一輛電單車氹自己。