黃洛妍抱病上陣拍MV

黃洛妍(Janees)日前推出全新單曲《槍與玫瑰》，是一首關於和平訊息的歌曲，所以她收起平時大家見到的霸氣形象，取而代之以溫柔的聲線帶出溫暖與希望。

拍攝MV當日黃洛妍抱病上陣，她說：“我病咗幾日，今日（拍攝當日）係最病，一路發高燒退唔到，又冇胃口，又瞓唔到覺，亦都要拍節目，但係唔可以因為我身體抱恙而拖累大家進度，唔可以辜負團隊嘅心機。”她續說：“我好識得麻醉自己，同自己講：冇病呀，精神！Must Do！”

新歌MV用一鏡到底的方式拍攝，呼應歌詞內容，黃洛妍在冰冷簡約的房間裡，如常地過生活；但從電視新聞得知世界各地發生的事，那種感慨、沉重沒有形於色，而是藏於心，百感交集。她說：“拍攝過程其實好感觸，同我每日睇到新聞嘅感受一樣，成日都會問，點解會發生呢？點解今時今日仲未停呢？”

黃洛妍感慨地表示：“其實我哋真係好幸運，有安穩嘅生活；身處遠方有好多小朋友流離失所，為咗生存好多嘢冇得揀。雖然未必可以幫到好大忙，但希望喚起大家關注，同時可以將和平、愛傳開去。”