衛詩雅發夢懷雙胞胎

衛詩雅前日出席護膚品牌期間限定店開幕，由於近期多參與美容活動，她笑言也賺到些扮靚錢。不過她自言向來敢於嘗試，會用“塊面”來親身做體驗。最近更添置了一部測試面部水份的小儀器，每日做紀錄。

本身已經成為護膚達人，有冇想過經營美容生意？衛詩雅自問只適合做演員，感覺是最舒服，亦可投入不同的世界演不同的角色。被問何時會做媽咪，她笑說：“之前金像奬我穿的裙有點鬆身，大家都讚靚，但亦有人問我是否‘有咗’，之後連續兩晚發夢自己有咗BB，仲叫人摸吓我個肚，個夢好真實，感覺個肚脹咗起嚟，BB又會踢我，仲係雙胞胎。醒咗起身都有同老公講，不過我哋暫時都冇特別好想要BB。”

談及早前在《25+英皇群星演唱會2026》上，她跟陳家樂為洪卓立唱《彌敦道》時合演劇場版，獲網民讚賞她感情投入，瞬間眼淚在眼眶內滾動。衛詩雅謙稱要歸功洪卓立，都是他唱得好被帶動到令演員投入。問她為何不表演唱歌，衛詩雅自嘲：“近來真的有人向我招手幫我出歌，我唱到五音不全咁難聽都有人賞識，其實都可以試吓玩吓，但要真正做歌手就唔好喇！”