米雪答應開唱即後悔

昨日米雪出席《友你有米55派對騷》發佈會 ，獲胞妹雪梨、蘋果、姨甥徐偉棟、好友劉緯民、楊紹鴻、伍健雄等現身支持，伍健雄更送上錦旗，預祝米雪旗開得勝。將於六月十三日開騷的米雪，在台上說當日答應開騷便後悔，因自己不是專業歌手，發現跟平日唱歌不同，不單嗌到把聲沙，唱兩首歌已經很攰，感到好大壓力，幸好得歌唱老師及一班朋友給予信心及鼓勵，自己會盡力而為。她又笑言練完歌，連飯都食多兩碗。雖然吃多了，但米雪雪依然沒有肥胖，她多謝發哥帶住她去跑步，吃幾多都無問題。

米雪說隔日都會練歌及練舞，平時一落牀即瞓，但現時一上牀瞓就諗起歌詞，搞到冇覺好瞓。

至於嘉賓方面，除了家人及劉緯民外。米雪說陸續邀請中，主要想請入行以來的朋友，特別是當年佳視合作的藝人。她笑說：“個個朋友都話來唱，但如果每一位都想唱又唔得，考慮一齊合唱。”問到可會邀請曾合作的關菊英做嘉賓，她指菊姐近幾年甚少參加公開演出，但都會邀請對方睇騷。至於會否家族合唱，米雪指姨甥徐偉棟由細到大佢都會沖涼唱歌，又一直都有彈結他，有時偷偷經過他房門外聽他唱歌，都唱得唔錯。