獅子王唱《天黑黑》獻太婆

無線歌唱節目《中年好聲音4》本周日（二月一日）晚，將播出的第十集，七十強選手繼續透過“一對一PK賽”爭奪四十個晉級名額。今集將有兩名藝人代表“獅子王”與“白眉鷹王”登場，其中一位更會榮獲五燈，齋睇都令人期待。

聲音辨識度極高的“獅子王”女歌男唱《天黑黑》，由於演繹真摯，令“手緊王2.0”的谷婭溦亦大為感動：“我自己有毛管戙，技巧過咗關，Feeling都有。”獅子王事後透露想將《天黑黑》獻給太婆：“佢（以前）會成日關心我，攞住罐餅去我間房問我肚唔肚餓啊？食唔食飯啊？呢啲溫暖有嘅時候唔識珍惜，到佢冇咗嘅時候會好後悔。”獅子王在第一輪出戰獻唱《誰來愛我》時，曾透露想透過歌曲答謝媽咪，今次他再次將歌曲獻給至愛親人，可見他相當重視情義，堪稱“中4重情王”。

“白眉鷹王”憑磁性聲音演唱《假使有日能忘記》，躍進不少的表現獲評審大讚。張佳添：“你揀咗隻適合你嘅聲線、性格嘅歌，雖然睇唔到你個樣，但透過首歌認識你多咗。”周國豐：“我今日聽到音色好靚嘅你，呢首歌好啱，發揮到你嘅中低音。”