王敏奕暫不考慮凍卵

王敏奕昨日盛裝現身中環，出席國際品牌的最新時裝活動。身穿一襲低胸搶眼裙裝的她，甫到場便吸引眾人目光，更急不及待投入欣賞品牌最新系列，展現其獨到的時尚品味。

王敏奕表示揀選服飾時最重視的並非“性感”與否，而是舒適及自我風格的展現：“着衫最緊要係舒服，同埋要清楚自己鍾意啲咩，着得出自己一個感覺為主，所以我冇乜諗性感或者唔性感，呢套衫我着得好舒服、好鍾意。”

近日有報道指她為好友糖妹打針雪卵，她表示緊張到手震：“聽佢講咗好多年，我覺得佢有呢個諗法想去做呢件事，我一直都好支持佢。”關於打針一事，王敏奕坦言自己也心生畏懼，甚至形容針頭的長度令人心驚。被問是否有考慮凍卵，她坦白回應：“暫時未有需要。”

提到老爺曾志偉卸任TVB高層後的動向，她表示未聞消息：“我冇獨家消息。臨近新年，希望可以大家放個假先，有啲咩都新年後再繼續。新嘅一年，好嘅一年再出發啦﹗”王敏奕透露工作並未因老爺卸任而減少，她對新項目充滿期待。