草蜢紅館騷海報率先曝光

出道逾四十年的香港天團草蜢，將於四月二十八日至五月三日，假紅磡香港體育館舉行六場“Grasshopper Three In Love 草蜢演唱會2026”，型格海報昨日率先曝光。海報拍攝班底陣容強勁，創作總監朱祖兒更是由草蜢第四張唱片開始合作，接近三十年，一手包辦他們的唱片和演唱會海報。

草蜢三子一身華麗造型拍攝演唱會海報，蔡一智（阿智）說：“記得上次影演唱會海報係二○二二年，眨吓眼上一個演唱會做咗幾年，今日我哋又再靚靚仔仔影全新演唱會海報，時間真係過得好快。”蘇志威（蘇老闆）說：“我哋着到咁閃咁靚，就知道我哋嚟緊四月演唱會有幾咁靚。”阿智揚言影海報只是“頭盤”，正式開騷的服飾和舞台佈置將靚多十倍。蔡一傑（傑仔）說：“我哋由早上開始，拍咗接近七個小時。我噚晚敷咗幾個Mask先至瞓，確保今日好Fresh。”三子狀態大勇，不停擺甫士、換靚衫，一絲不苟。

至於演唱會歌單，由於草蜢三子、經理人林珊珊，以及粉絲都各有心水，所以還在計劃中。傑仔表示：“我哋做咗四十年，好多心機血汗，歷年來做過嘅唱片入面，就算精選都好多，真係唔知唱邊啲歌好。”