張智霖李承鉉任澳門騷嘉賓

陳小春：恩師羅文永在心中

陳小春（小春）日前於澳門銀河綜藝館舉行《生旦淨末丑》個人巡迴演唱會，這次巡演，由二○二五年開始啟航，到澳門站已經是第二十四場，演唱會由一開始已廣獲好評。小春特設致敬恩師羅文環節，稱恩師永在心中。

演唱會甫開場，小春已氣勢如虹，單手吊威也降落舞台，勁歌熱舞瞬間點燃現場。獻唱數首歌後，小春向觀眾打招呼：“多謝大家一直等我，終於返到大灣區！可以講廣東話，爽！”演唱會分為五個部分，小春幾乎每一個環節都又唱又跳，全無休息，單是飲水就飲了三大樽，他的表現獲觀眾形容為：“法拉利即是法拉利！全無老態，舞技仍是一流舞台王者。”小春笑道：“嘩，唔係唔係，我只係Dancer出身，爛船都有三分釘啫。”

小春還特設致敬恩師羅文環節，獻唱《親情》時，大屏幕播放早年對羅文說多謝的對話片段，感謝這位樂壇巨星的提攜與教導：“我好鍾意《親情》呢首歌，咁自己又係‘豹小子’出身，羅文都帶咗我去好多地方登台演出，不過嗰陣自己仲細，當年又真係幾紅嘅，梅艷芳、譚詠麟、張國榮好多人搵我伴舞，咁就衰仔咗，同羅記玩咗一陣‘豹小子’就同佢講我唔做啦，後來諗返有少少有負於佢，但係我個心終都係記住呢位恩師。”

演唱會當晚，小春特邀張智霖及李承鉉做嘉賓，帶給觀眾驚喜連連，三人同台獻唱將現場氣氛推向沸騰頂點。小春表示，做綜藝節目認識了李承鉉，對方一個韓國人，但就學中文學得很好，他真心欣賞這位後輩：“又靚仔又跳得又唱得，所以一直都想叫佢做嘉賓。張智霖就唔駛講啦，好兄弟，佢剛好係澳門拍戲，之前已經來過做一次嘉賓，今次又嚟多次！”隨着澳門站圓滿結束，小春謂今個巡演將暫告段落，農曆年後再有六個站演出，預計共做三十場後收官。