廖子妤感謝導演帶路

英皇電影《像我這樣的愛情》前晚舉行首映禮，出席包括導演譚惠貞、監製關錦鵬、管東銚、演員廖子妤(Fish)、陳家樂、劉雅麗、楊淇、英皇集團主席楊受成伉儷等，來捧場嘉賓有連詩雅、談善言、沈震軒及湯怡等。一眾主角在台上溫暖交流，廖子妤感謝導演帶自己走更遠的路，更提到今次能與劉雅麗飾演母女，令她感到非常溫暖。Fish指出：“戲裡有好多日常相處嘅片段，都有爭執，慢慢建立起嗰份母女感情。”Fish及家樂於映後分享大銀幕觀影感受，從拍檔變成戰友的二人互相擁抱鼓勵，場面溫馨。

家樂特別感謝“家姐”楊淇在戲中給予的力量，Fish特別提到與家樂的對手戲：“我同家樂嘅配合已經分唔清邊啲係劇本、邊啲係即興，因為導演畀咗我哋好大空間去嘗試。睇住佢嘅表現，我覺得佢就係為呢個角色而生嘅。嗰種脆弱同真誠，睇到我好傷心，好想幫嗰個無力保護姐姐的細佬。”家樂則笑言，原以為自己對首映沒有壓力，但當看到現場到了許多朋友，包括曾給予其演出意見的身障者及其家人，才突然覺得“好似見家長一樣”：“請咗咁多朋友嚟，等於畀佢哋檢閱我入行十幾二十年嘅進度，我好希望他們覺得我有進步，我係有心機想做好演員。”