暗示中聲歌手多爭飯食

譚俊彥珍惜出埠登台機會

前晚，譚俊彥(Shaun)與張振朗到電視城為台慶表演環節彩排，並大展歌喉。再次為台慶演出的Shaun與張振朗說，當晚會以導師身份帶領一班訓練班的年輕演員演出，振朗很開心可参與這個環節，覺得很有意義。

Shaun記得前輩郭晉安曾過他說過一句話：“安仔話自己唔應酬，我得，個個都得，最近我認識一位訓練班學員何晉樂，對方性格同自己有啲似，唔識做門面功夫，死牛一面頸，咁就死喇！”他指自己負責演出的部分是講等待，覺得等不是講等幾耐，而是知唔道自己等的時候在做甚麼。至於張振朗演出的部分，跟同自己經歷相似的林俊其合作，大家都曾經因為翻版而被大家認定，這個環節還會有高海寧演出。

Shaun又稱大前晚出席完許紹雄的喪禮後再往彩排，心情很複雜，因公司的一位攝影師同日出殯，感覺人生無常，所以新人有機會上到台應該開心，珍惜當下已足夠。近日忙為新劇《風華背後》開工的Shaun透露，本月廿八日會去西雅圖賭場舉行個人音樂會，除會唱十多首自己的歌，又會唱張震嶽及Beyond的歌。Shaun笑言現在《中年好聲音》歌手多，所以好珍惜有出外演唱機會，可以同粉絲近距離接觸好開心，每次都會出盡法寶，連煮飯都做埋，但並非想“截糊”，不過他很感謝粉絲好忠心，之前在新加坡搞粉絲見面會，跟六、七年冇見的粉絲一起慶祝生日好開心。

振朗之前去了馬來西亞、墨爾本和沙巴見粉絲，所以現在要畀心機工作，不用再想放假，而近期的工作都是唱歌為主，趁未有劇開之前搵真銀。問是否想做回歌手，他笑說：“冇，完全冇，暫時都係演員先。”

同場的梁超怡亦有份參與張振朗、譚俊彥和高海寧演出的環節，她透露屆時會以舞台劇形式演繹並會唱歌，問到對自己歌藝可有點信心，她說有：“應該唔係魔音。”梁超怡說拍完新劇《正義女神Themis》後，暫時未有新工作安排，趁有空會做好社交平台。問到公司人工能否維持生活，她說之前工作都有儲蓄，不過家人都有資助她，自己並不算大使，生活都ok不用擔心。