古巨基雨中浪漫共唱

古巨基（古Sir）日前於尖沙咀戶外舉行《Music Panda busking with LEO KU Round 2》，雖然天公不算太造美，但古sir跟現場觀眾一樣熱情不減，更說今次是一場“浪漫嘅雨中共唱”。

古Sir指原定七月中，團隊已經計劃於同一個位置舉行第一次街頭表演，不過撞正打風取消。這次特意返回尖沙咀同一地點，並以“勵志歌”為主題，不過又遇上時大時細的雨勢，好像要跟天氣搏鬥。古Sir謂：“雨水可以淋濕我哋個人，但係淋唔濕我哋要唱歌嘅心。”他更特別感謝現場每一位觀眾，就算淋着雨都堅持留低聽歌，這份支持真的十分熱血。古Sir更笑說“多謝個天”手下留情：“如果唔係落雨落到倒瀉水咁，人頂得住，啲器材都未必頂得住。”

這次有四個來自各行各業的表演單位一起參與，除了有教師、會計師、歌唱老師、零售銷售員，亦有工商學士同心理學學士，陣容多元化。雖然經常說“踢波先嚟落雨”，但最後依然在風雨中順利完成，古Sir覺得無論踢波或是唱歌，只要一班人玩得開心，一起做最喜歡的事“場雨其實都可以好浪漫”。