希魔遺禍留人間

當今世界，導彈亂飛。列強爭雄，一味鬥多。人類得此犀利武器，實拜希特勒所賜。二戰期間，希魔臨尾發狂，為打英國，研出飛彈。此物無人駕駛，可隔海打牛。為彰顯“復仇”之心，納粹宣傳部長戈培爾取德文“復仇武器”首字母以名之，曰“V2”。

八十一年前試飛成功，希魔即送丘吉爾嘗新。此物專襲倫敦，年間射近二千枚，死人逾萬。雖如此，仍無法為希魔扳回敗局，卻好戲在後頭。

希魔敗後，導彈發射場本劃歸蘇聯紅軍佔管。美國佬乘人不察，提早搬空所有設備。蘇聯人為之眼擎，卻又你精我唔呆，捉晒德國科學家連家屬。你要家生，我要腦袋。此後數十年間，美蘇大鬥法，乃至從地面鬥上太空。

至妙者，係美國虜了德國火箭專家布勞恩，收料後卻過橋抽板，指曾係納粹軍人，要佢甩隊。布公無奈，唯在雜誌寫故仔維生。其時蘇聯火箭突飛猛進，美國佬發覺原來冇布公唔掂，不理好醜，再請出山，以抗衡蘇聯。

西門公子