岑麗香讚栢天男好靚仔

HOY TV首部原創劇《我愛九龍城》進入結局篇，HOY主播俞詠文(Angela)日前請來劇中兩位主演，岑麗香和栢天男(Adam)分享拍劇點滴。

講到復出之作《我愛九龍城》香香異常興奮：“因為之前一直忙緊自己嘅生活，好耐冇拍劇，啱啱返到工作嘅崗位，開頭嗰幾日，都唔知自己喺度做乜嘢！好似未回魂咁，過咗幾日之後，就好投入好開心好入戲，亦都享受拍攝嘅過程，好似搵返自己嗰團火，跟住對手又好人又靚仔，簡直完美。”

原來今次並不是岑麗香與栢天男的首次合作，Adam表示：“好多年前有個Function，我就係做模特兒帶呢位大明星出場，行紅地氈咁，當時瘦啲冇鬚，其實同而家都冇乜分別。”對於和劇中角色比較，Adam笑言現實中的香香和劇中的琳琳分別好大：“香香真人係一個公主，好Sweet，但係劇中角色就係一個有啲Lost嘅角色，內心成日處於掙扎嘅狀態，情緒比較複雜。”相反香香就覺得Adam戲裡戲外都一樣帥，同埋事業有成，她說：“其實我個角色真係難嘅，我係一個好人嚟，但係我一定要傷害其中之一個男仔，你話我有幾痛苦呢。”