首次參加廣東歌派對

關智斌嗨爆震撼粉絲

日前，關智斌(Kenny)和何珮瑜(Jeana)神秘現身Cantonpop Party（廣東歌派對），令歡呼聲震天，氣氛High爆場。Kenny一出場，現場立刻為他送上專屬Medley，全場化身Kenny的超級粉絲。之後，當現場一播出神曲《死性不改》時，台下的粉絲不但跟着唱，就連Twins的經典獨白部分，觀眾都一字不漏地大聲講出，現場的畫面可謂既震撼又搞笑。

活動完結之後，Kenny接受訪問時忍唔住分享感受：“今次係我第一次嚟Cantonpop Party，之前一直聽講過‘節拍星期五’，感覺好Hit，但係當時工作太忙，冇時間出嚟參與。最近佢哋知我就嚟開演唱會，就整咗個Kenny Medley，令到現場好似變咗個大型K房，大家都好有共鳴，既然主辦方咁有誠意，我點可以唔嚟玩吓？”講到參與Party的感受，Kenny笑言：“哈哈！我見到大家聽到廣東歌咁興奮，每一首都跟住唱、跟住跳，真係好開心，證明大家真係好鍾意廣東歌！”