林家謙紅館騷栢芝驚喜現身

前晚，林家謙在紅館舉行的演唱會，驚喜邀來久違在港演唱的張栢芝擔任嘉賓。兩人不僅合唱經典金曲，家謙更化身“小粉絲”現場索取簽名。栢芝久未於香港舞台亮相，登場時全場歡呼，氣氛熱烈。她與家謙先合唱經典作《任何天氣》，其後家謙緊張興奮說：“好癲呢件事，我醒未？（打了自己一下）真係好開心，你好耐冇出嚟見大家，連我都超級興奮！”栢芝回應：“我好耐冇唱《任何天氣》了，十八歲作為新人在紅館唱過，而家真係好緊張。”家謙請工作人員遞上栢芝舊CD：“你係我第一個買唱片嘅歌手，呢隻《Destination》同《不一樣的我》，你可唔可以同我簽個名？”

家謙又分享：“《不一樣的我》係我當年成日用來參賽嘅歌，當時唱你個Key仲未轉聲。霎眼之間，我已經轉咗聲，真係好神奇。”栢芝讚家謙：“你成個人好似有個好乖好純嘅光環，好有才華。”她提到接到嘉賓邀請時，曾擔心大家只記得她少量作品：“我紅得一首歌……”家謙立即反駁：“唔係囉！《一直掛念》、《不一樣的我》、《棉胎》等，大家都識你好多歌！你講嘅嘢唔成立。”栢芝說：“有首歌係我新人時好堅持要唱，唔係我自己嘅。公司打來話有機會喺紅館表演，我想藉這首歌表達要珍惜身邊所有嘢，好多嘢唔係必然。我哋應該活在當下、開心生活，珍惜所有愛嘅人。”之後她唱出《留給最愛的說話》。