范浩賢推新歌獲恩師鼓勵

二○一八年曾參加《全民造星》、並躋身二十強的范浩賢(Neal)，在二○二五年推出他的第一首唱作作品《光之丘》。Neal當時未有直接出道，一度退居幕後，擔任填詞的工作，六年後的他終於再度活躍幕前，以唱作人身份推出新歌《光之丘》。他解釋現在才以唱作人身份再次跟大家見面的原因：“當年參加《全民造星》唔係諗輸贏問題，而係想喺過程中，搵到自己有乜嘢可以做得更加好，要再去學習、改善。呢幾年真係花咗好多時間再改進，我覺得而家係最適合嘅時間，去將歌曲同埋歌詞擺埋一齊，去話畀人知我而家係一個唱作人，我想用一首代表自己而家心聲嘅作品，向大家再一次介紹自己，我係一個點樣嘅唱作人。”

其實Neal成為唱作人絕非偶然，在大學時期，他在課堂上已經跟隨殿堂級填詞人周耀輝學習填詞。二人至今亦師亦友，所以在推出《光之丘》之前，他特別讓周耀輝先聽為快。除了得到周耀輝的鼓勵外，另一位填詞人喬靖夫、單車運動員李慧詩，網紅娜姐等亦有拍片力撐，給予Neal最大的力量，勇闖唱作人之路。