兩公里賽事唔夠喉

陳山聰明年再跑過

前日無線高層樂易玲帶隊，率領陳山聰、陳瀅、朱敏瀚、胡鴻鈞、阮浩棕及孔德賢等，參與港珠澳大橋（香港段）半馬拉松兩公里賽事。完成賽事後，陳山聰表示兩公里對他而言實在唔夠喉：“真係濕濕口都唔夠，都未熱身就完。”

本身是澳門人的山聰，表示每個月至少有一次經過港珠澳大橋來回港澳，但可以在橋上跑步真是好難得。他說：“風景真係好靚，跑步時剛好日出又有飛機飛過，出年有機會再跑過，出年就當然唔係跑咁少啦。”山聰透露今年有新目標，會多放時間跑步，之後將會參加另一馬拉松賽事，會跑半馬。他說：“希望今次撞到發哥（周潤發），私底下我同發哥跑過好多次，發哥好好，我叫佢周老師，因為一齊跑時，佢教咗我好多，希望喺賽道上可以遇到佢。”

朱敏瀚（朱仔）與好友陳瀅寓跑步於拍片，陳瀅笑謂因為沒有人在他們後面，感覺像跑第一般好威。朱仔前一晚在電視城錄影完節目，只睡了兩個小時便要早起跑步，他謂因平時有練跑，覺得兩公里好簡單。問到可有約緋聞女友陳曉華一齊練跑，朱仔表示做運動多是自己做或是約張振朗。陳瀅就表示有約過陳曉華打網球，對方被教練指雖然符碌，但又接到波，有運動細胞。

陳瀅剛從溫哥華探親後返港，她坦言因為是聖誕，都是飲飲食食：“去咗兩個禮拜，不過又冇肥到，不過為咗今次比賽，事前都有去做一日gym，因為太耐冇運動肌肉勁痠痛。我定咗二○二五年新目標，做個健康嘅人，要食得健康啲，做多啲運動，早睡早起。”早前陳瀅到沖繩出席友人婚禮，與男子頭貼頭合照疑似有新歡，她表示對方是朋友，好似已傳過多次，加上對方已有另一半。