林德信拍親熱戲冇備案

Viu原創劇《同居少女諸事卜》正於“黃Viu煲劇平台”熱播，此劇由多位青春偶像：雲浩影、吳家忻、蘇皓兒、郭嘉駿、何啟華及林德信主演。故事以占卜為題材，講述三位不同個性的女生，於同一屋簷下的生活點滴，一邊尋找愛情真諦，一邊探索人生，當中吳家忻與“暖爸”林德信首次合作，已有親熱鏡頭，鏡頭前火辣辣，但鏡頭後卻異口同聲大表尷尬。

林德信表示之前曾睇過吳家忻開騷，不過合作拍劇還是第一次，大讚對方演技不俗。他謂：“同佢拍親密戲都會尷尬，始終都係啱啱識，冇排過，一嚟就拍，但可能呢個安排係好嘅，因為要有一種初戀感覺，個心卜卜跳、帶有少少尷尬咁，希望真嘅尷尬，觀眾見得到。（有冇同老婆備案？）冇，一路做任何嘢都冇講，唔需要申請。”林德信在劇中是一位“暖男”，不過現實生活中，他自評：“我應該唔屬於“暖男”！可能我唔係識得表達情感嘅人，我會執屋嘅，有時會煮飯，不過我可以一星期食同一個餸，冇驚喜，我鍾意煎牛扒，可以晚晚煎，對方可能會覺得悶。”