邵美琪向黎瑞恩取湊女經

前日邵美琪(Maggie)、張曦雯、陳瀅、羅毓儀、鍾柔美(Yumi)、馬貫東、李家鼎及關禮傑等，出席無線新劇《特勤女團》於電視城舉行的開鏡拜神儀式。

時隔五年再返無線拍劇的邵美琪，與Yumi在劇中飾演母女，影大合照時，Maggie更在Yumi頭頂整“牛角”，十分鬼馬。Maggie表示今次是獲珍姐（曾勵珍）親自致電邀請，冇得答唔好，加上該劇監製方駿釗的劇集收視好，所以便答允演出。

首次跟Yumi合作，Maggie大讚“女兒”Yumi好乖好抵錫，有不明白就會主動問，勤力又守時。她又笑指自己好黐身，經常黐住Yumi，說罷便問身旁的Yumi：“我係咪好煩？”Yumi就答：“我鍾意。”氹得Maggie十分開心，原本說唔擺畀心心甫士的Maggie，最後也被Yumi溶化，一起派心心，又拖住她行去做訪問。Maggie表示這次演媽媽角色，事前特地向好友黎瑞恩取經，她說：“我成日孭住個大袋，擺定紙巾同鏡，感覺似湊女，我見黎瑞恩湊女都係咁，我就向佢偷師。”

Yumi就稱最初被Maggie氣場嚇親，不過接觸過後就唔驚了，“媽咪”好錫我，感覺好溫馨。