馮允謙努力操肌冀出好身形

馮允謙(Jay Fung)前日以愛心大使身份到紅磡出席《多元文化慶回歸嘉年華暨少數族裔關愛隊啟動禮》，Jay Fung對於早前宣佈今年十月九日至十一日再次踏上紅館舉行演唱會，他表示感到開心又有壓力，因去年三月在紅館的個唱反應非常好，覺得今年再開要有所提升。上次他是開三面台，至於今次會選用三面還是四面台，留待公司宣佈，他只能透露今次在音樂上更豐富，屆時共有二十多位樂手同台演出，自己在編曲上亦會參與。他說：“呢三年好幸運每年都有個人騷，所以今年想玩啲新嘢，（會除衫騷肌？）未知道，我會努力操肌，遲啲決定，而家我已日日操練，又有營養師指導，希望食得健康，希望操練出能應付三場演唱會嘅身形。”今年接拍了多個廣告的他，被指成為公司“招財貓”，Jay Fung謙稱希望可以做到，自己會努力。談到他近日在社交平台透露，在加拿大家中所養的三歲貓仔近日轉“性”：“之前返加拿大放咗個假，我同佢講爸爸就嚟要準備演唱會，未必可以成日同你玩，以前佢會紮紮跳唔肯走近我，但今次就玩埋身，（因為知道你紅咗至埋身？）唔會啦，今次返去我都有買玩具畀佢。”