歐陽靖受家燕姐訪問興奮

歐陽靖(MC Jin)現身新城廣播，接受由薛家燕、范振鋒和思敏主持的《開心大派對》訪問。MC Jin表示六、七年後再見家燕姐，感到相當興奮，原來兩人有段淵源，“重點唔係有見冇見，重點係每次見到家燕姐，會有好多回憶，我記得公佈我同太太嘅喜事，係同家燕姐一個公開活動，當時我話‘我仔仔就嚟來臨’，而家我仔仔十二歲，細仔都五歲。”

節目中談到一家四口在美國生活，他堅持在家中與兩個囝囝講廣東話：“在家中我哋都係講廣東話，但出到門口就講英文，始終在美國生活。希望囝囝長大後都會講廣東話，因為始終是我的母語。”近兩年放暑假都會帶兩個囝囝去上海迪士尼樂園玩，但好搞笑是：“囝囝在上海迪士尼見到米奇老鼠講普通話，感到很驚訝，問米奇老鼠點解會講普通話，我就話佢地（卡通人物）好叻，識好多語言，仲識日文同法文，哈哈！”